Ni 17 & 18 khan outdoor games bik football leh mixed relay race neih a ni a. Football 1st round ah kan tumpui tur Mumbai lakah walk over-in kan chak a, quarter final ah Chennai hmachhawnin hun pangngaiah kan inhnehtawk a, penalty shootout ah 4-3 in hnehna kan chang a ni. Semi Final ah 1-0 a Bangalore hneh lehin Final kan lut a, Final ah hian Tamil Nadu hmachhawnin game tang leh hmuhnawm takah Tamil Nadu chu 5-1 a hnehin Summer Sports’ 2014 Football Champion kan ni ta a ni. KMS te kan hmingthanna thin footbal lamah kan hming a la thang chhunzawm zel a, Lalsangzela (KMS) chu Best Player atan thlan a ni bawk.
Mixed relay race neih a ni a, kan member tlan chakte chuan Pahnihna dinhmun min hauh pui bawk a ni. Basketball khelh chhunzawm leh niin, hmeichhe lamah Hyderabad chu 14-16 in kan hneh lova. Mipa lamah Chandigarh nen intum ve thungin team pahnihte fitness a tha a, game speed pawh a rangin a hmuhnawm hle. Chandigarh lamin 66 - 59 in hnehna an chang ta zawk a ni.